Hüquq tələbələrinin akademik biliklərini və tədqiqat bacarıqlarını inkişaf etdirən layihələr həyata keçiririk
Şahid Dindirmə Müsabiqəsi bir cinayət işi ilə əlaqədar şahidin dindirilməsi prosesini əhatə edir. İki nəfərlik qruplar halında çıxış edən komandalar onlara verilmiş kazus əsasında qarşıdakı şəxsi dindirərək cinayət işi ilə bağlı lazımi faktları alaraq işə düzgün tövsif verməyə çalışırlar.
Müsabiqənin məqsədləri hüquq tələbələrini gələcək karyeraları üçün hazırlamaq və iştirakçıların sahə üzrə mütəxəssislər tərəfindən qiymətləndirilməsi və rəy verilməsini təmin etməkdir. Müsabiqənin dili Azərbaycan dilidir.
Müştəri Konsultasiya Müsabiqəsi iki tələbədən ibarət komandanın müştəri ilə simulyasiya formasında təşkil olunmuş konsultasiyada vəkil rolunu öz üzərinə götürdüyü akademik yarışmadır.
Vəkil rolunda çıxış etməklə siz real faktlar vasitəsilə müştərinin mövqeyinin ayrı-ayrı hissələrini praktiki olaraq öyrənə və bununla da hüquqşünas kimi ilk mühüm təcrübənizi qazana bilərsiniz. Burada ən əsası müştərinin tələb və gözləntiləri ilə bağlı düzgün nüansları aşkar etmək və konsultasiya prosesi üçün yaxşı atmosfer yaratmaqdır.
ELSA Azərbaycan Hüquq Jurnalı tələbələr, gənc hüquqşünaslar, müxtəlif hüquq sahələrinin mütəxəssisləri və digər maraqlı şəxslər tərəfindən yazılmış, Akademik Heyət tərəfindən yoxlanılaraq seçilən və Redaksiya Heyəti tərəfindən müəyyən olunmuş qaydada redaktə olunmuş məqalələr və digər yazıların dərc olunduğu akademik nəşrdir. Redaksiya Heyəti Akademik Fəaliyyətlər üzrə Vitse-Prezident və onun tərəfindən təyin olunan ən azı 3 nəfər şəxsdən ibarət olmalıdır. Qeyd edək ki, indiyə qədər ELSA Azərbaycan Hüquq Jurnalının 7 buraxılışı dərc olunmuşdur. Jurnallarla tanış olmaq üçün link
