ELSA Azərbaycan olaraq, hüququn inkişafına və hüquq peşəkarlarının birliyinə töhfə veririk
“Avropa Hüquqşünas Tələbələr Assosiasiyası – Bakı” İctimai birliyinin (ELSA Azərbaycan) əsası dörd hüquq tələbəsi – Kamal Cəfərov, Elşən Bayramov, Xanlar Ağalarov və Elnur Hümbətov tərəfindən 2010-cu ilin iyun ayında qoyulmuşdur. 2010-cu ilin oktyabr ayında Azərbaycanın nümayəndə heyəti Türkiyənin Alanya şəhərində keçirilən ELSA-nın 58-ci Beynəlxalq Şura Toplantısında müşahidəçi üzv statusunu qazandı və Azərbaycan böyük səs çoxluğu ilə ELSA ailəsinə qəbul olundu. 1 il sonra – 2011-ci ilin oktyabr ayında İtaliyanın Palermo şəhərində Assosiasiyanın 60-cı Beynəlxalq Şura Toplantısında Azərbaycan tam üzvlük üçün namizədliyini irəli sürdü və ELSA-nın əsasnaməsinə uyğun olaraq məsələ səsverməyə çıxarıldı. Səsvermənin nəticələrinə əsasən Azərbaycan ELSA-nın tamhüquqlu üzvü oldu.
2019-cu ilin 24-31 mart tarixlərində ELSA Azərbaycan tərəfindən Bakı şəhərində 75-ci Beynəlxalq Şura Toplantısı həyata keçirilmişdir. ELSA Azərbaycanın Ümumi Yığıncağının 27 may 2023-cü il tarixli qərarı ilə təşkilatın ilk lokal qrupu olan ELSA Naxçıvan yaradılmışdır.
Təşkilatımız üzvlərinə hüquq sahəsində təcrübə və peşəkar uğur imkanı verir
ELSA-nın dünya miqyasında təşkil etdiyi tədbirlərdə iştirak etmə imkanı
Hüquq təhsili və müasir hüquq problemləri barədə dərin biliklər
ELSA Azərbaycan, üzvlərinə liderlik və sosial məsuliyyət bacarıqları qazandırır
Vizyonumuz, hüququ yalnız qaydalar toplusu kimi deyil, cəmiyyətə güvən, ədalət və inkişaf gətirən əsas dəyər kimi görməkdir. Biz inanırıq ki, güclü hüquqi mühit yalnız peşəkar biliklə deyil, eyni zamanda şəffaflıq, yenilikçilik və sosial məsuliyyətlə formalaşır.
Məqsədimiz, hüquq sahəsində həm peşəkarların, həm də cəmiyyətin ehtiyaclarına cavab verən, daha açıq, daha əlçatan və daha ədalətli bir mühitin formalaşmasına töhfə verməkdir. Vizyonumuz gələcək nəsillərə daha güclü hüquqi təfəkkür, daha yüksək standartlar və daha etibarlı hüquq sistemi miras qoymaqdır.
ELSA Azərbaycan 2010-cu ildə təsis edilib və hüquq tələbələrinin hüquqi təhsilini və inkişafını dəstəkləmək məqsədini güdür.
ELSA Azərbaycan, həm yerli, həm də beynəlxalq tədbirlərdə fəal iştirak edərək, hüquq sahəsindəki yenilikləri təşviq edir və beynəlxalq əlaqələr qurur.
Təşkilat, hüquq tələbələrinin peşəkar inkişafına töhfə verərək, ölkədə hüquq sahəsinin inkişafına və daha güclü hüquqi cəmiyyətin formalaşmasına dəstək olur.
Komandamız peşəkar və yaradıcı insanlardan ibarətdir. Biz birlikdə uğura doğru çalışırıq və hər zaman ən yaxşı nəticəni hədəfləyirik.
