20 dekabr 2025-ci il tarixində ASAN İnnovativ İnkişaf Mərkəzinin tərəfdaşlığı ilə ELSA Azərbaycanın XII Ümumi Yığıncağı baş tutmuşdur!
ELSA Azərbaycanın XII Ümumi Yığıncağı Azərbaycan Respublikasının Dövlət himni ilə açıq elan olunmuşdur. ELSA Azərbaycanın Baş katibi Murad Əsgərov tərəfindən XII Ümumi Yığıncağın tərkibi elan olunmuşdur. Daha sonra XII Ümumi Yığıncaq çərçivəsində ELSA Azərbaycanın 2025/26-cı illər üzrə Milli İdarə Heyətinin Hesabat konfransı baş tutmuşdur.
Yekun Plenariyada ELSA Azərbaycanın Reqlamentinə təklif edilən əlavə və dəyişikliklər səsə qoyulmuş və müvafiq qərarlar qəbul edilmişdir. Eyni zamanda ELSA Azərbaycanın qüvvədə olan Reqlamentinin müvafiq maddələrinə əsasən, Milli İdarə Heyəti tərəfindən qəbul edilmiş qərarlar Ümumi Yığıncağın diqqətinə çatdırılmışdır.
XII Ümumi Yığıncağın rəsmi hissəsi səsvermə prosesi ilə yekunlaşmışdır. Səsvermə nəticəsində 2025/26-cı illər üzrə Auditorlar Şurasının üzvləri vəzifəsinə Günel Cavadova, Ziya İsmayılzadə və Arifə Sadıxova seçilmişdir.