ELSA Azərbaycan İtaliyanın Palermo şəhərində Beynəlxalq şura toplantısında təşkilatin tam üzvlüyünü əldə edib.

ELSA-nın Azərbaycan nümayəndəliyi 2010-cu ilin oktyabrında Türkiyənin Alanya şəhərində keçirilən 58-ci Beynəlxalq şura toplantısında müşahidəçi üzv statusunu qazanmışdı.

Təqribən bir il sonra, bu ilin 23-30 oktyabr tarixində isə İtaliyanın Palermo şəhərində assosiasiyanın 60-cı Beynəlxalq şura toplantısında Azərbaycan nümayəndəliyinin bu təşkilata tam üzv kimi qəbul olunması məsələsi müzakirəyə çıxarılıb və “ELSA Azərbaycan”ın xeyrinə müsbət nəticə əldə olunub.Səsvermənin nəticələrinə əsasən, Azərbaycan ELSA-nın tam üzvünə çevrilib.

Qeyd edək ki, ELSA Avropanın 42 ölkəsində, 210 universitetində 30.000-dən çox hüquq tələbələrini və gənc hüquqşunasları özündə ehtiva edir. Tələbələrə ELSA-nın geniş fəaliyyət imkanları və beynəlxalq əməkdaşlıq vasitəsilə beynəlxalq hüquq sistemləri barədə dəyərli biliklər və təcrübə əldə etmək imkanı təqdim olunur.

Avropa Hüquq Tələbələr Assosiyası (ELSA) müstəqil, qeyri siyasi, gəlir məqsədi güdməyən dünyanın ən böyük hüquq tələbələr təşkilatıdır