ELSA Alumni – Beynəlxalq ELSA məzunları arasında əlaqələrin yaradılması və genişləndirilməsi, eləcə də onların peşəkar şəkildə inkişafına dəstək olmaq məqsədi ilə 1991-ci ildə yaradılmışdır.
ELSA Azərbaycan Məzunlar Cəmiyyəti (ELSA Azerbaijan Alumni Society) – 25 dekabr 2015-ci ildə ELSA Azərbaycanda fəaliyyəti olmuş şəxsləri yenidən bir araya gətirmək, onların təşkilat ilə olan əlaqələrini bərpa etmək məqsədilə yaradılmışdır və hazırda ELSA Azərbaycanın üzvü olmuş, onun idarəçiliyində iştirak etmiş və ya onu dəstəkləyən şəxslərin şəbəkəsidir (təşkilatıdır).
Təşkilatın məqsədi insan ləyaqətinə və mədəni müxtəlifliyə hörmət olduğu ədalətli dünyanı tanıtmaqdır, hansı ki, həmçinin aşağıdakı məqsədləri daşıyır:
- ELSA Azərbaycanın dəyərlərini (“ELSA spirit”) qorumaq və onları yaşatmaq;
- Həmfikir həmyaşıdların birliyini gücləndirmək;
- Güclü liderlərin sayını artırmaq və onları inkişaf etdirmək;
- Ədalətli cəmiyyət quruculuğunu təbliğ etmək və başqalarını buna təşviq etmək;
- ELSA Azərbaycanın hazırki üzvləri ilə əlaqələri gücləndirmək, ELSA Azərbaycanın məqsədlərini, fəaliyyətini və inkişafını maddi və ya mənəvi üsullarla dəstəkləmək;
- Savadlı, çalışqan və yüksək motivasiyalı kadr yetişdirərək sağlam hüquqi düşüncəni və hüquqi cəmiyyətin formalaşmasına dəstək olmaq.
Təşkilat Əsas İdarə Heyəti tərəfindən idarə olunur. 2020/2021-ci illər üçün Təşkilatın Əsas İdarə Heyəti üzvləri aşağıdakı kimidir:
- Prezident (president.alumni@az.elsa.org) – Rahil Məmmədov
- Vitse-pezident (vicepresident.alumni@az.elsa.org) – Çinarə Qasımova
- Marketinq üzrə Direktor – Leyla Abdullayeva (marketing.alumni@az.elsa.org)
- Akademik Dəstək üzrə Direktor (academic.alumni@az.elsa.org)– Səttar Məmmədov
- Sosial Dəstək üzrə Direktor (social.alumni@az.elsa.org) – Günel Məmmədova
- ELSA Azərbaycana Dəstək üzrə Direktor (director.alumni@az.elsa.org) – Bayram Baxşəliyev
Əsas İdarə Heyəti yanında Məşvərət Şurası fəaliyyət göstərir. Məşvərət Şurası peşəkar və aktiv məzunlardan ibarət olmaqla, birbaşa Əsas İdarə Heyətinin fəaliyyəti üzrə məsləhət verən, ümumilikdə təşkilatın inkişafını maddi və mənəvi dəstəkləyən və Məzunların şəxsi inkişafına dəyər qatmaq məqsədi ilə Əsas İdarə Heyəti tərəfindən seçilmiş heyətdir.
İş yükünün azaldılması və bölüşdürülməsi prinsipini nəzərə alaraq təşkilatda İşçi Heyəti fəaliyyət göstərir. Onların vəzifə öhdəlikləri təşkilatın Əsasnaməsi ilə müəyyən edilir.
Təşkilatın üzvləri ELSA Azərbaycan təşkilatında istənilən formada fəaliyyət göstərmiş və ya həmin təşkilat üçün töhfəsi olmuş şəxslər ola bilər. ELSA Azərbaycan təşkilatında fəaliyyət göstərmiş şəxslər dedikdə bu təşkilatın üzvü olmuş, İşçi Heyətində və ya Əsas İdarə Heyətində fəaliyyət göstərmiş şəxslər nəzərdə tutulur.
Təşkilatın Əsasnaməsi ilə bu keçiddən istifadə edərək tanış ola bilərsiniz:
Məsul şəxs: Rahil Məmmədov
Telefon: +994 50 580 45 00
E-mail: president.alumni@az.elsa.org
ELSA Azərbaycan Məzunlar Cəmiyyətinə üzv olmaq üçün buradan istifadə edərək müraciət edin.
